ដោយ៖ សហការី
ដោយសារការហាត់ប្រាណហួសកម្រិត ពលរដ្ឋអាម៉េរិកជាង ១៦លាននាក់ អាចប្រឈមនឹងជំងឺដាច់សរសៃឈាមខួរក្បាល។
បើយោងតាមការសិក្សាថ្មីមួយបានឲ្យដឹងថា ពលរដ្ឋអាមេរិកជិត ១៦.៥ លាននាក់ ប្រឈមនឹងជំងឺដាច់សរសៃឈាមខួរក្បាល ដោយសារការហាត់ប្រាណហួសកម្រិត។ ការចេញផ្សាយនៅក្នុងទិនានុប្បវត្តិវិទ្យាសាស្ត្រ Physics of Fluid ក្រុមអ្នកស្រាវជ្រាវបានសន្និដ្ឋានថា អត្រានៃជំងឺសសៃបេះដូង ដែលបង្កឲ្យដាច់សរសៃឈាមក្នុងខួរក្បាល មានការកើនឡើងសម្រាប់អ្នកដែលស្ទះសរសៃឈាម carotid ។
សរសៃឈាម Carotid មានទីតាំងនៅសងខាងក ដែលផ្តល់ចរន្តឈាមហូរទៅកាន់ផ្ទៃមុខ និងខួរក្បាល។ ក្នុងខណៈដែលខ្លាញ់ និងកូលេស្តេរ៉ុលមានការកើនឡើង វាបានបង្កើតជាបន្ទះបង្រួមសរសៃឈាម ដែលហៅថា ស្តេរ៉ូអ៊ីស។ Stenosis ពិបាករកឃើញភ្លាមៗដែលធ្វើឲ្យមានគ្រោះថ្នាក់ ដោយសារតែកម្រិតចរន្តឈាមហូរទៅកាន់ខួរក្បាល អាចធ្វើឲ្យដាច់សរសៃឈាមក្នុងខួរក្បាល។ គ្លីនិក Cleveland បានពន្យល់ថា ពលរដ្ឋអាម៉េរិកប្រមាណ ១៦.៥ លាននាក់ ស្មើនឹង ៥% ប្រឈមនឹងការស្ទះសរសៃឈាម carotid ។
អ្នកស្រាវជ្រាវបានឲ្យដឹងទៀតថា អ្នកជំងឺដែលមានសុខភាពល្អ និងអ្នកដែលមានសរសៃឈាមស្ទះបន្តិចបន្តួច ការហាត់ប្រាណមានប្រយោជន៍សម្រាប់រក្សាលំហូរឈាម។ ឯសម្រាប់អ្នកដែលមានការស្ទះកម្រិតមធ្យមទៅធ្ងន់ធ្ងរ ត្រូវប្រយ័ត្នប្រយែងក្នុងការហាត់ប្រាណ។
លោក Somnath Roy ជាអ្នកស្រាវជ្រាក៏បាននិយាយដែរថា៖ “ការហាត់ប្រាណហួសកម្រិត បង្ហាញពីផលប៉ះពាល់ដល់អ្នកជំងឺ ដែលមានកម្រិត ស្តេរ៉ូអ៊ីត ក្នុងកម្រិតមធ្យម ឬខ្ពស់ជាងនេះ” ពីព្រោះវាបង្កើនសម្ពាធយ៉ាងខ្លាំងនៅចំណុចតឹងណែន ដែលអាចធ្វើឲ្យសរសៃឈាមធ្លាយ ហើយសសៃដែលដាច់ធ្លាយនេះអាចហូរទៅខួរក្បាល បណ្តាលឲ្យដាច់សរសៃឈាមក្នុងខួរក្បាល៕
